Një mjek kinez është parë në pamjet e regjistruara nga kamerat e sigurisë teksa përpiqej të shpëtonte një të moshuar duke i bërë frymëmarrje gojë më gojë në një dyqan në mes të epidemisë së koronavirusit.
Mjeku, Dr Luo Xianke, menjëherë hoqi maskën e fytyrës për të kryer procedurat pasi një burrë në të 80-at e tij papritmas pësoi një atak kardiak në Zhengzhou, në provincën Henan të Kinës qendrore.
Dr Luo deklaroi për mediat se ai nuk mendoi për rrezikun e mundshëm të kapjes së koronavirusit dhe se u përqendrua t’i shpëtonte jetën të moshuarit. “Ishte tepër urgjente”. E vetmja gjë që po mendoja në ato momente ishte të veproja sa më shpejt”, tha mjeku jashtë detyrës për gazetën kineze “Dahe Newspaper”.
Dr. Luo ndodhej në supermarket kur dëgjoi dikë që po bërtiste: “Një burrë po vdes”. Mjeku menjëherë u nis për te burri i cili ndodhej i shtrirë në dysheme pa ndjenja. Mjeku hoqi maskën e fytyrës për t’i dhënë të burrit trajtimin urgjent pa hezitim kur vuri re që ai po humbiste jetën.
Shërbimet e urgjencës mbërritën në vendngjarje menjëherë pasi ai kreu procedurat e ndihmës së parë. Burri i moshuar u dërgua në spital pasi rrahjet e zemrës rifilluan 15 minuta më vonë./Fjala.al/Burimi:DailyMail
