E diela pa makina është rikthyer në një traditë nga Bashkia e Tiranës. Çdo ditë e diel në kryeqytet supozohet t’i dedikohet këmbësorëve si një mënyrë jo vetëm për të ulur ndotjen, por dhe për të sjellë një kulturë të re në kryeqytet.
Por, ndodh shpesh që kjo të përkthehet në ‘problem’ për qytetarët, që jo pak herë thonë se nuk janë njoftuar ose nuk janë në dijeni të informacionit.
Ndaj, edhe këtë të diel, kryeqyteti ‘është paralizuar’ nga trafiku.
Siç shihet nga pamjet, ka patur probleme me qarkullimin edhe në një nga rrugët kryesore në Tiranë siç është kryqëzimi tek ‘Myslym Shyri’.
Megjithatë, siç duket, në segmente të tilla janë vendosur policë të qarkullimit rrugor, me shpresën për normalizimin sa më të shpejtë të situatës.
