Tema e Kupës së Botës në Katar, çështjet e mosrespektimit të të drejtave të njeriut dhe ngjarje të tjera dukshëm të errëta që lidhen me organizimin e kampionatit botëror dimëror në vend ka marrë opinione të ndryshme negative në këto orë.
I fundit, sipas rendit kronologjik, ishte ai i Hans-Dieter Flick, ish-trajneri i Bayern Munich, i cili ka marrë drejtimin e kombëtares së Gjermanisë.
Trajneri i ekipit gjerman shprehu të gjithë pakënaqësinë e tij për zgjedhjen për t’i caktuar Kupën e Botës të këtij viti Katarit dhe në një intervistë për Süddeutsche Zeitung, shpjegoi këndvështrimin e tij:
“Nuk duhej të organizohej Kupa e Botës atje, duhej të kishim refuzuar”, ka thënë trajneri Flick në mënyrë shumë të qartë.
Shpjegimi jepet shpejt: “Të drejtat e njeriut nuk mbrohen në Katar, kështu që nuk do të jetë një Botëror për tifozët. Ka njerëz që do të donin të fluturonin për në Katar, por që kanë hequr dorë për një sërë arsyesh”.
Pavarësisht mendimit të kundërt të trajnerit dhe kolegëve të tjerë, Kupa e Botës do të zhvillohet sipas planit mes nëntorit dhe dhjetorit.
