Çështjen e lobimit të PD me para ruse, kryeministri Edi Rama e cilëson si një “gur” që demokratët po e përdorin për të goditur njëri-tjetrin.
Në emisionin “Opinion”, Rama kujtoi dhe deklaratën e kryedemokratit Sali Berisha se Basha ka marrë provat nga PD, duke thënë se prokuroria duhet të hetojë pasi provat ekzistojnë ende.
“Kjo çështje është kthyer në skenën politikë jo për të bërë transparencë, por për tu përdorur si gurë i radhës për tu vrarë mes tyre. Njerëzit që i vunë gjoksin në atë kohë Bashës, sot flasin për kompjutera të zhdukur. Çështjen e investigon prokuroria, provat janë aty dhe çështja është aty., Sot është dita për ti kërkuar ndjesë, Ballës, Spiropalit dhe Braçës”,-tha Rama.
Kryeministri tha gjithashtu me siguri se në PD kanë qenë të gjithë në dijeni për financimet ruse, madje edhe kryedemokrati i tanishëm, Sali Berisha.
“Ky financim ka qenë i ditur nga të gjithë dhe e kanë mbrojtur të gjithë, që nga non-grata i madh, deri te Luli i shkretë”, tha Rama.
Rama mohoi zërat që ai të ketë ndikuar për të mbyllur çështjen, madje tha se kanë qenë pikërisht socialistët që kanë denoncuar publikisht
“Zëra ka për gjithçka në Shqipëri por e vërtëta është që ëkëtë çështje ne e kemi denoncuar publikisht dhe për këtë çështje ne jemi përqeshur publikisht dhe jo nga fajtorët, por nga ata që duhej ta çonin më tutje këtë çështje”, tha kreu i qeverisë.
