Rodri është caktuar si një emër i mundshëm për të zëvendësuar Sergio Busquetsin që e kërkon largimin nga Barcelona në fund të këtij sezoni.
Spanjolli 34 vjeçar do të largohet nga Nou Camp kur i skadon kontrata në fund të sezonit pas 15 vitesh qëndrimi në ekipin e parë.
Pas pothuajse 700 paraqitjeve në klub dhe 35 trofeve të fituara, Busquets do të largohet nga Barcelona në fund të sezonit.
Dhe gjigantët nga Katalunia kanë hartuar një listë me tre kandidatë për ta zëvendësuar atë, siç raportohet nga Sport.
Rodri i Manchester Cityt është një nga emrat në listë dhe atij i bashkohet edhe ylli i tij nga Liga Premier, Jorginho.
Emri tjetër në listën e tyre është edhe ai i yllit të Bayern Munich, Joshua Kimmich.
Barcelona ka një ide se kush kryeson listën e dëshirave të tyre, por do të peshojë faktorët ekonomikë të marrëveshjeve të tilla.
Rodri dhe Kimmich të dy kanë vlerësime prej të paktën 70 milionë euro, vlera që klubi i konsideron të larta.
Rrjedhimisht, kjo do të thotë se ylli i Chelsea, Jorginho, është kandidati më i mundshëm për të zëvendësuar Busquetsin në verë.
