Ndërkohë që pedagogët vijojnë protestat duke kërkuar nga qeveria plotësimin e kërkesave të tyre dhe rritjen e pagave, duket se Rektori i Universitetit të Mjeksisë Arben Gjata nuk është në një mendim me ta.
Në një intervistë për ‘Fax news’ ai është shprehur se ky universitet do të vijojë normalisht procesin mësimor të hënë duke u distancuar nga protesta që pritet të përshkallëzohet me bojkot të mësimit.
Ai shtoi se ky universitet nuk ka asnjë problem sa i përket rritjes së pagave, duke u justifikuar me mundësitë financiare të qeverisë.
“Viti akademik fillon ditën e hënë me urdhër të minitrisë së Arsimit. Mund të ketë edhe pedagogë që kanë të drejta të protestojnë. Nuk kemi pasur ndonjë problematikë sa i takon rritjes së pagave. Do ishte mirë të rritet po duhet parë situata ku është vendi, mundësinë financiare që ndodhet, një gjetje kompromisi Do e tregojë koha se çfarë do bëhet. Është lëvizje sindikaliste. Ne do e fillojmë vitin e ri akademik, me dorëzimin e bluzave të bardha siç bëhet çdo vit.”, tha ai.
