Granit Xhaka është duke kaluar një formë të mrekullueshme këtë sezon, ndoshta më e mira në karrierën e tij.
Mesfushori me prejardhje nga Kosova është një lider te Arsenali dhe po shkëlqen me paraqitjet e tij.
30-vjeçari në 12 ndeshje këtë edicion ka shënuar dy gola dhe ka asistuar tre herë.
Duke marrë parasysh formën fantastike të tij, Arsenali po mendon ta blindojë me kontratë të re kapitenin e Përfaqësueses së Zvicrës.
Kontrata aktuale e Xhakës me Topçinjtë skadon në verën e vitit 2024, por londinezët duan ta mbajnë atë në radhët e veta së paku deri në vitin 2026.
Xhaka aktualisht është është futbollisti i pestë më i paguar në klub pas Gabriel Jesus, Thomas Partey, Oleksandr Zinchenkos e Ben White.
