Mijëra spektatorë janë ofenduar nga lëvizjes sensuale dhe disa veprime të këngëtareve.
Komisioni që merret me përmbajtjen e televizionit në Shtetet e Bashkuara, ka marrë më shumë se 1.300 ankesa që akuzojnë shfaqjen ‘Super Bowl’ si pornografike, pasi sipas tyre ajo ishte një ‘pornografi’ në vend që duhej të ishte një shfaqje familjare.
Konkretisht, Komisioni Federal i Komunikimit ka marrë 1.312 ankesa në lidhje me performancën e Shakirës dhe Jennifer Lopez në Super Bowl të vitit 2020.
“Një shfaqje plotësisht e papërshtatshme gjysmë- zhveshur, me striptizëm dhe në kufi me pornografinë .” , shkruhej në një nga ankesat.
“Unë nuk jam abonuar në kanalin Playboy, ne nuk paguajmë për të parë pornografi, thjesht kemi dashur të ulemi si familje dhe të shikojmë Super Bowl. Ne prisnim të shihnim futboll dhe një koncert të vogël, por përkundrazi.”thuhej në një ankesë tjetër.
Këngëtaret e përmendura nuk kanë dhënë deklarata për këtë situatë të krijuar. Pavarësisht kritikave të marra, duhet të theksohet se performanca e Shakirës dhe Jennifer Lopez tashmë ka më shumë se 136 milion shikime në YouTube , diçka që tregon se jo të gjithë menduan se ishte aq e keqe./ Burimi: lavanguardia Përshtati: Fjala.al
