Ai mbahet për një njeri të fuqishëm por edhe si një personazh që jo pak e çudit botën me ato që bën. Ndër të tjera, moda, veshjet, aksesorët, automjetet, armët dhe kafshët që ai mban dhe pëlqen, përbëjnë gjithmonë lajm.
Është fjala për presidentin e Rusisë, Vladimir Putin, që ‘ka trazuar’ një botë të tërë.
Ai ka një pasion të madh sa i përket ushqimit. Presidenti i Rusisë është i fiksuar pas akullores, një ushqim që e gjen pothuajse në çdo vakt të tij.
“Rusia nga kuzhina”, një libër i Witold Szablowski për historinë gastronomike të vendit, tregon se në të gjitha ëmbëlsirat që mbërrijnë në tryezën e Putinit ka “të paktën një lugë akullore”.
Ndërkohë, 3 vite më parë, pas takimit zyrtar dhe vizitës në Panairin e Aviacionit, Vladimir Putin vendosi të qeraste me akullore homologun turk Recep Tayipp Erdogan.
Gjyshi i Presidentit rus, Spiridon Putin, ishte kuzhinier dhe mendohet se gatuante për Leninin dhe Stalinin. Në një dokumentar televiziv në vitin 2018, Putin tha se gjyshi i tij punoi në institucione të rëndësishme në Shën Pjetërburg, si restoranti i hotelit të famshëm Astoria, ndër të tjera.