Kryeministri grek Kyriakos Mitsotakis tha sot se vendi i tij është gati “të zgjasë dorën e miqësisë” ndaj Turqisë, edhe pse akuzonte presidentin turk Erdogan për nxitje të ndjenjave anti-greke në vendin e tij.
“Dëshira ime është që fqinjët tanë të zgjedhin rrugën e de-tensionimit, të ligjshmërisë dhe bashkë-ekzistencës, pa retorika shpërthyese por me veprime konstruktive”, tha Mitsotakis në konferencë pas takimit me kancelarin Olaf Scholz në Athinë.
Tensionet duket të përkeqësuara mes dy vendeve aleate në NATO, të cilat janë në konflikt për disa çështje që i kanë përplasur rregullisht dekadat e fundit.
“Nga ana ime, ne jemi gati gjithmonë të zgjasim dorën e miqësisë. Nuk ka më vend për burime të tjera të kota tensionesh,” shtoi Mitsotakis.
“Kjo është ajo që do populli, populli grek , ashtu si dhe populli turk, dhe ajo që do Evropa”.
Turqia ka denoncuar Greqinë për militarizim të ishujve pranë brigjeve të saj, në shkelje të traktateve kombëtare.
Greqia thotë se përballet me kërcënime nga Turqia dhe refuzon disa deklarata ku sugjerohet sovraniteti disa ishujve të pabanuar nga Turqia.
Ndërsa kancelari Scholz tha: “Dy partnerë në NATO nuk duhet të hedhin dyshime mbi sovranitetin e njëri-tjetrit. Ne të gjithë jemi dakord se çështjet duhet të zgjidhen me dialog dhe sipas ligjit ndërkombëtar”.
