Është mbyllur nata e parë e ndeshjeve të fundit të fazës së grupeve në Champions League. Tottenham dhe Frankfurt vulosën kualifikimin duke fituar ndeshjet respektive në transfertë. Bayern Munich fitoi pa vështirësi ndaj Interit duke e mbyllur grupin me pikë të plota, nga ana tjetër Barcelona mundi Viktoria Plzen me rezultat 2-4 në një ndeshje e cila vlente vetëm për statistikë.
Ndjekim disa nga titujt kryesorë për ditën e sotme:
Hapja e La Gazzetta dello Sport ka në fokus Milanin, ku në faqen e parë duket qartë fotoja e Rafael Leaos: “Milan, na duhet një zhurmë”, kuqezinjtë janë të vetmit nga katër italianët në Ligën e Kampionëve që nuk e dinë ende fatin e tyre. Dhe tashmë kemi mbërritur në përballjen, në ndeshjen kundër Salzburgut në të cilën gjithçka duket se shkon në drejtimin e 1/16-tës për djemtë e Piolit.
Corriere dello Sport, nga ana tjetër, fokusohet tek Azzurrit: “Napoli mes yjeve”. Liderët e Serie A mbrëmë ishin protagonist të një paraqitjeje të shkëlqyer ndaj Liverpool -it . 2-0 e arkëtuar në fund është pa dhimbje, duke qenë se gjithsesi ka ardhur raundi tjetër dhe me vendin e parë në grup.
TuttoSport hapet me Juventusin dhe me fytyrën e përqendruar dhe pothuajse të trazuar të trajnerit: “Allegri: falje, zemërim, krenari”. Ndeshja e fundit e Champions League kundër PSG -së ka shije si tallje dhe një shije e hidhur është aq shumë pas një rrugëtimi evropian që nuk i ka përmbushur aspak pritshmëritë.
Mundo Deportivo hapet me titullin: “Mirupafshim me Viktorian”. Barcelona, e treta në grupin e Interit dhe Bayern Munich, zbret në Europa League me një fitore që nuk mund t’i ngushëllojë Blaugranat për mënyrën se si shkoi Champions League.
“Ditët më të zeza të Cholismo” është titulli i Marca. Colchoneros kanë humbur nga Porto dhe janë jashtë Evropës, duke përfunduar në vendin e katërt dhe të fundit në grup. Një dështim pa rrethana lehtësuese për Diego Simeone.
