Ata bëjnë një beteje reale me mafien. E bëjnë çdo ditë dhe pa asnjë lloj kompromisi. Janë punonjësit e policisë financiare italiane që bëjnë betejën me paratë e grupeve mafioze.
Ata janë mbledhur dhe kanë nxjerrë shifrat e vitit. Është më i larti në 4 vitet e fundit.
Sipas të dhënave që janë bërë publike në mediet vendase bëhet me dije se janë plot 18 miliard asete. Policia Financiare Italiane ka publikuar të dhënat zyrtare mbi pasuritë e konfiskuara të mafies italiane gjatë 5 viteve të fundit.
Sipas autoriteteve italiane nga vitit 2015 e deri më sot, krimit të organizuar vendas i janë sekuestruar 18 miliardë euro pasuri. 11 miliardë janë në para cash e 7 miliardë euro pasuri e patundshme.
Kjo pasuri e marrë në dorëzim nga shteti është baras me 1% të PPB (Prodhimi i Brendshëm Bruto) kombëtare.
Gjatë këtyre 5 viteve janë hetuar pasuritë e rreth 55 mijë personave e janë marrë në ekzaminim mbi 10 mijë produkte të tyre, mesatarisht 5.5 në ditë.
Krimi i organizuar në Itali ka perfeksionuar jo vetëm aftësinë sipërmarrëse e ekonomike por dhe ka marrë një veshje më të sofistikuar ekonomiko-financiare.
Guardia di Finanzia italiane ka investuar mbi 1 milionë Euro në vit në aktivitetin e inspektimit në nivel kombëtar
Ky investim është bërë në të gjitha sektorët institucionalë për kapjen në kohë të shenjave të infiltrimit kriminal në ekonominë vendase.
Aktiviteti i Guardia di Finanzia është kryer në bashkëpunim të ngushtë me Policinë Hetimore të Tatimeve. Kjo polici është krijuar gati një shekull më parë.
Që më vitin 1921 ka kontribuar në procedurat e parandalimit e në operacionet e pastrimit të parave të pista.
Gjithashtu edhe në proceset e riciklimit e investimit të tyre në mallra të sigurta si në piktura arti të kuotuara në borsë, në diamante të çmuara apo gjetje arkeologjike me vlerë të veçantë. /Fjala.al/
