Koronavirusi mund të mbijetojë për nëntë ditë në temperaturën e dhomës, sipas një zbulimi që kanë bërë studiuesit së fundmi.
Mjedisi me lagështi të ulët dhe të ftohtë është ideal për sëmundjen, sipas një analize të 22 studimeve të mëparshme nga Journal of Hospital Infection.
Analiza zbuloi gjithashtu se koronaviruset mund të bëhen joaktive duke përdorur dezinfektues të zakonshëm – por ende nuk është e qartë nëse koronavirusi i ri sillet në mënyrë të ngjashme.
Drejtori i Qendrave për Kontrollin dhe Parandalimin e Sëmundjeve Robert Redfield tha: “Në bakër dhe çelik është goxha tipike, reziston rreth dy orë. Ekspertët e sëmundjeve thonë se shpërthimi i ri i virusit, i quajtur COVID-19, është përhapur kryesisht nga personi në person përmes kollitjes ose teshtitjes.
Transmetimi mund të ndodhë kur një person prek një objekt ose sipërfaqe të kontaminuar dhe më pas prek gojën, hundën ose sytë, megjithëse një shkencëtar sugjeroi që ky lloj transmetimi është i rrallë.
“Jashtë në komunitet, këto viruse me siguri nuk po mbijetojnë për një kohë të gjatë nëpër sipërfaqe.”
Ka pasur më shumë se 87,000 raste globale të përhapjes së koronavirusit në masë globale – me më shumë se 2,900 vdekje të regjistruara, shumica e tyre në territorin e Kinës.
Virusi është përhapur në 54 vende të tjera përveç Kinës, duke alarmuar autoritetet e shëndetit publik në të gjithë botën./Fjala.al/Përshtati:Kamela Liko/Burimi:Mirror
