Bomba molotov dhe gurë ndaj efektivëve/ Mbi 20000 protestues i vënë ‘flakën’ Athinës

113 563 lexime

124,178FansaPëlqeje

Brenda pak minutash dhjetëra molotov dhe bomba me gaz lotsjellës të hedhura nga të rinj anarkistë para Parlamentit kanë bërë që të shpërndahet protesta paqësore që po zhvillohej në qendër të Athinës, si pjesë e grevës së përgjithshme 24 orëshe që kishin shpallur sindikatat e sektorit shtetëror dhe atij privat.

Pas një përleshjeje me forcat policore të paktën dhjetë persona janë shoqëruar dhe dy janë arrestuar për incidentet e dhunshme. Trazira ka pasur edhe në Selanik ku 8 persona janë arrestuar pasi kanë sulmuar dhe shkatërruar disa dyqane në qendër të qytetit pas mitingjeve të protestës që u zhvilluan edhe atje.

Të paktën 20000 protestues sipas policisë kanë marshuar nëpër rrugët e Athinës në grevën e dytë të thirrur këtë vit nga sindikatat me kërkesa kryesore kundër rritjes së çmimeve.

“Duhet të rriten tani pagat tona, të vendoset një kufi tavan tek çmimet, të hiqet TVSH-ja , të ndalohet bursa e energjisë, qeveria të ndalojnë së vjedhuri jetën tonë, të ardhmen tonë”, tha një protestues.

“Na ka prekur të gjithëve shtrenjtësia ,është e tmerrshme tek karburantet, tek ushqimet,por përveç tyre kemi edhe çështje të mëdha të demokracisë në vend”, u shpreh një tjetër.

Punëtorë studentë pensionistë dhe aktivistë të të drejtave të njeriut kanë kërkuar rritje të pagave e pensioneve, kontratave kolektive të punës, masa ndaj inflacionit në rritje dhe çmimeve të papërballueshme të faturave të energjisë elektrike, karburanteve dhe artikujve të përditshëm.

Greva ndërpreu shërbimet publike  në të gjithë vendin, krijoi probleme me transportin rrugor, ajror dhe detar duke ndërprerë lidhjet me ishujt , shkollat u mbyllën, spitalet publike kanë funksionuar me staf të reduktuar, në grevë kanë qenë edhe gazetarët.

Të fundit

Shqipëria për herë të parë në histori do bëhet pjesë e një shtegu malor europian

Për herë të parë në histori Shqipëria do të bëhet pjesë e një shtegu malor europian, një zhvillim ky...

Reshjet e borës në veri, policia apel drejtuesve të mjeteve: Përdorni goma dimërore

Reshjet e dëborës kanë zbardhur disa nga zonat verilindore të vendit. Gjithashtu edhe temperaturat kanë njohur një ulje të ndjeshme gjatë ditës së sotme. Si...

Tregtarët e shqetësuar për sigurinë ushqimore:Produktet e bulmetit pa certifikata sigurie

Pas rasteve të fundit të mishit të pulës me salmonelë të hedhur në treg dhe luleshtrydhe me pesticide të larta, tregtarët shprehin shqetësimin e...

“Kartë blu” për të huajt që duan të punojnë në Shqipëri

Punonjësit e kualifikuar që do të zgjedhin Shqipërinë për të punuar do të paisen me leje unike ose ndryshe “karta blu “. Projektligji i dorëzuar...

Arbana Osmani falenderon Klan-in, Ledion Liço: Mos gënje veten!

Paraqitja e Arbana Osmanit në X Factor Albania, krahë Alketa Vejsiut u pasua me një falenderim për këtë të fundit, Vera Grabockën dhe Tv...

Lajme të tjera

Web TV