Milani humbi dje ndaj Atalantës me një rezultat që nuk i kishte ndodhur që nga maji i vitit 1998, ku u mundën nga Roma. “Djajtë e kuq” u shkatërruan nga pesë golat e zikaltërve, humbje të cilën kuqezinjtë e kanë përjetuar për herë të katërt gjatë historisë së këtij klubi në ndeshjet e Serisë A.
Takimi i djeshëm me Atalantën ishte fatal për skuadrën e Milan, e cila dukej sikur kishte liruar portën që zikaltërit të shënonin.
Jo vetëm rezultati, por e gjithë loja ishte e dobët, pasi topi u dominua nga Atalanta pothuajse gjatë gjithë 90 minutshit.
Ndërkohë që prej vitit 2013-së në ndeshjen në shtëpi me Inter, nuk kishte ndodhur që Milan të humbiste takimin e fundit të vitit kalendarik.
Momentalisht “Djajtë e kuq” janë në kuotën e 21 pikëve, të marra nga 17 ndeshje dhe kanë rënë në vendin e 11-të nga i 9-ti që ishin para takimit me Atalantën.
Në këtë gjendje kaq të rëndë e kaq keq me pikë, Milan ka qenë gjatë sezonit 2013-2014,kohë në të cilën drejtimi i klubit i ishte besuar Masimiliano Alegri-t.
Ky rezultat midis Atalantës dhe Milan ka ndodhur vetëm njëherë gjatë historisë së futbollit, ku në vitin 1952, zikaltërit kishin arritur tu shënonin pesë gola kuqezinjve, por në ndryshim nga dje edhe këta të fundit kishin shënuar dy gola./Përgatiti: Fjala.al/
