Edhe tre ditë na ndajnë nga nisja e Kupës së Botës dhe disa nga mediat botërore sportive e mbajnë fokusin pikërisht aty.
Ndjekim disa nga titujt kryesorë të mediave sportive:
La Gazzetta dello Sport hapet me merkaton e transferimeve të Juventusit : “Zonja është në duar të mira”, me të ardhmen e bardhezinjve që të çon te portieri Gugliemo Vicario.
Corriere dello Sport i jep hapësirë të mjaftueshme suksesit miqësor të kombëtares së Mancinit: “Italia e Katarit”. Azzurrët përmbysën pa vështirësi Shqipërinë dhe u argëtuan për 90 minuta.
Hapësirë e bollshme për kombëtaren edhe në Tuttosport : “Italia ngrin”. Dëmtimi i frikshëm i Tonalit tremb pankinën dhe tani Milani fillon lutjet që të mos jetë diçka serioze.
Sport hapet me skualifikimin e Lewandowskit: “ Turp!”, me sulmuesin polak nga Barcelona i dënuar me tre ndeshje ndalim pas përjashtimit dhe reagimit ndaj arbitrit në ndeshjen e fundit të La Ligës.
L’Equipe i kushton hapësirë të bollshme stuhisë botërore në kuptim të Botërorit të Katarit që do të nisë të dielën e ardhshme: “Katari, endacakët e Arabisë”, duke nënvizuar polemikat e forta të ditëve të fundit për caktimin e Kupës së Botës në vendin mysliman.
“De Jong nuk preket” është titulli i katalanases Mundo Deportivo. Sondazhet e fundit të fansave të Barçës e konsiderojnë hollandezin të paprekshëm dhe shumë të rëndësishëm për projektin e së ardhmes.
