Berisha protestë në 6 dhjetor, Balla: Po i shërben Putinit

113 563 lexime

124,178FansaPëlqeje

Ish-kryeministri Sali Berisha e ka përmendur edhe dje protestën e opozitës në ditën kur në Tiranë do të mblidhet Samiti i BE-së. Berisha tha se ndaj ndërkombëtarëve do të jemi mikpritës, ndërsa ndaj Ramës armiqësor.

Sali Berisha, kryetari i Partisë Demokratike, ka sugjeruar në mbledhjen e kryesisë së partisë që protesta e radhës e opozitës të mbahet më 6 dhjetor, në ditën kur në Tiranë do të mbahet samiti i BE-së. “Ne mirëpresim dhe konsiderojmë nderim të veçantë për kombin shqiptar, ardhjen e kryetarëve të shteteve të Bashkimit Europian. Protesta jonë synon para së gjithash të dëshmojë se në këtë vend, i cili po varfërohet, vidhet e shkretohet çdo muaj e më shumë, aspiratat demokratike europiane janë të pavdekshme. Në këtë kontekst, ftoj që ta marrin këtë protestë si një akt mikpritje ndaj tyre dhe pa diskutim armiqësor, flagrant të hapur armiqësor kundër Edi Ramës, i cili me aferat e tij turpëron lirinë, pluralizmin, transparencën e çdo gjë tjetër”, tha Berisha në mbledhjen e kryesisë së Partisë Demokratike. Protesta e fundit e opozitës u mbajt të shtunën e javës së kaluar, më 12 nëntor, ku veç Partisë Demokratike, mori pjesë edhe Partia e Lirisë dhe partitë e tjera opozitare. Kryeministri Edi Rama e ka quajtur mbajtjen e samitit BE-Ballkani Perëndimor në Tiranë si ngjarjen më të madhe në histori të marrëdhënieve ndërkombëtare të Shqipërisë.

Reagimi i PS

Kreu i Grupit Parlamentar të PS, Taulant Balla ka ironizuar kreu e PD Sali Berisha. Balla ka publikuar një foto nga takimi i kreut të PD ku edhe në një moment u përfshi në një incident, pasi u rrëzua. Balla thotë se kreu i PD po i shërben lojës së Putinit. Ndërsa i ndalur edhe tek data e radhës e protestës së paralajmëruar nga Berisha, 6 dhjetor të këtij viti, Balla shprehet se po e thërret këtë protestë kundër Samitit BE-Ballkani Perëndimor. “Shtëpia e shqiptarit është e zotit dhe e mikut. Këtë rregull kurrë nuk e ka shkel askush në Shqipëri. Ne kemi shkruar historinë tonë me kodin tonë të mikpritjes. Por tradhëtari dhe turpi i çdo vlere shqiptare Sali Berisha do të presë në besë shqiptarët më datë 6 Dhjetor 2022, duke thyer çdo normë, me kanun e kode shqiptari. Nuk e ka herën e parë që e bën. Sali Berisha thërret protestë kundër Samitit BE-Ballkani Perëndimor, thërret njerëzit e tij të turpërojnë Shqipërinë. Sali Berisha thërret protestë në ditën e dasmës më të bukur të ribashkimit me Europën. A ka ndokush më pikëpyetje për kë punon Sali Berisha?! O vëllezër e motra ky tradhëtar ka thirrë protestë kundër Bashkimit Europian. Ky tradhëtar po i shërben lojës së Vladimir Putinit kundër Bashkimit Europian”, është shprehur Balla në llogarinë e tij.

Të fundit

Hera e parë në histori! Serbia dhe Kina, stërvitje të përbashkët ushtarake

Serbia dhe Kina pritet të zhvillojnë stërvitje të përbashkët ushtarake për herë të parë kah fundi i këtij muaji,...

Lushnje, Balluku kërkon dorëheqjen urgjente të drejtorëve dhe administratorëve

Zëvendëskryeministrja Belinda Balluku ka kërkuar dorëheqjen e të gjithë drejtorëve dhe 13 administratorëve të bashkisë së Lushnjës. Në një takim të zhvilluar në bashkinë e...

Rama foli! Dorëhiqen të gjithë administratorët e njësive administrative në Shkodër

Bashkia Shkodër ka bërë të ditur zyrtarisht se të gjithë Administratorët e Njësive administrative në territorin e saj kanë paraqitur dorëheqjet nga pozicionet që...

BE dhe Amerika Qendrore hedhin themelet e një partneriteti transformues ndër-rajonal

Nga Monada Mehmetaj, Strasburg Në një sallë të ndriçuar të selisë së Këshillit të Bashkimit Evropian në Bruksel, më 14 korrik 2025, u zhvillua një...

Sekuestrohet autobusi i agjencisë së kryetarit demokrat, trafikonte emigrantë

Një tjetër autobus i agjencisë së kryetarit të degës së Partisë Demokratike në Sarandë, Shpëtim Ahmeti, është sekuestruar nga policia pasi është kapur duke...

Lajme të tjera

Web TV