Është një prej kompozitorëve më të mprehtë të tingujve më të përhapur në të gjitha kohërat. Ishte një fëmijë i jashtëzakonshëm. Rridhte nga një familje muzikantësh. Nënat e tij quhej Anna Maria Pertl ndërsa babai Leopold Mozart. Mësoi të luajë në piano në moshën tre vjeçare. Kompozimin e parë e bëri që në moshën 4 vjeçe. Në moshën 5-vjeçare kompozoi një minuet. Në moshën 6 vjeç, i konsideruar si profesionist tashmë, debutonte në oborri e Princit të Mynihut të Bavarisë, duke marrë pjesë në një koncert me motrën Nannerì, e cila ishte 5-së vjet më e madhe se ai. Dhe kështu filluan njohjet me emrat e mëdhenj të muzikës, turnetë e panumurta koncertore dhe vetë karriera e tij prej një muzikanti plot klas. Kur ishte 7-të vjeç mësoi vetë violinën dhe organon. Kur ishte 8 vjeç kompozoi sonata për piano. Kur ishte 12-vjeç kompozoi operën e parë.
Pas vdekjes së nënës së tij gjatë një turneu në Paris, më 3 korrik të vitit 1778, Mozart kthehet në oborrin e Salzburgut, pranë Arqipeshkëvit, Hyeronimus Colloredo, ku babai i tij kishte arritur t’i siguronte jo më shumë se pozicionin e një organisti të thjeshtë. Në 1781, në moshën 25 vjeçare Moxarti arriti të shkëputej nga arqipeshkvi i Salzburgut dhe u kthye në një muzikant të lirë, që nuk varej nga kisha apo fisnikëria dhe u vendos përfundimisht në Vienë. Në vitin 1782, kundër dëshirës të së atit, Mozarti martohet me Kostanca Veber me të cilën pati dy djem.
Në jetën e tij të shkurtër Amadeus Mozart do të realizonte më shumë se 600 veprave. Në katalogun e tij figurojnë 626 kompozime, midis të cilave 24 vepra teatrore, 51 simfoni, 19 mesha. Partiturat e tij kërkuan 33 vëllime që të mund të botoheshin. Ndër operat më të njohura veçohen: “Rrëmbimi nga Saraji”, “Dasma e Figaros”, “Don Zhuani”, “Kështu bëjnë të gjitha”, “Flauti magjik”, si dhe sonata të ndryshme për violinë, për piano, kuintete, pastaj simfoni të ndryshme, sonata, si dhe muzikë kishtare. Veprat e Mozartit janë sot pjesë e literaturës muzikale botërore. Mozart kompozoi një pjesë të Rekuiemit në Vjenë në fund të vitit 1791, por ajo ishte e papërfunduar me vdekjen e tij më 5 dhjetor të të njëjtit vit. Një version i përfunduar i datës 1792 nga Franz Xaver Süssmayr iu dorëzua Kontit Franz von Walsegg, i cili e porositi pjesën për një shërbim rekuiemi për të përkujtuar përvjetorin e vdekjes së gruas së tij më 14 shkurt.
Mozart lindi më 27 janar të vitit 1756 në Salcburg dhe vdiq më 5 dhjetor, 1791 në Vjenë. Ishte 35 vjeç dhe para fundit të vitit 1791 ishte i mbyllur në shtëpinë e tij nga një sëmundje që kishte marrë në Pragë gjatë vënies në skenë të një prej operave të tij të fundit “Falja e Titos”.
Ceremonia mortore u mbaj në orën 15.00 të 6 dhjetorit. Arkivoli u çua përpara Kapelës së Kryqit të Dumos së Shën Stefanit. Funerali ishte modest ndërsa trupi u fut në një varr të përbashkët të varrezës së Shën Markut. Kufoma e tij nuk është gjetur asnjëherë.
