Flakët e zjarrit kanë përfshirë një banesë në fshatin Gorre të Kurbinit rreth orës 03:00 të mëngjesit sot.
Një banesë është përfshirë nga flakët rreth orës 03:00 të mëngjesit të sotëm. Bëhet e ditur se ngjarja e rëndë ka ndodhur në fshatin Gorre të Kurbinit.
Nga informacionet paraprake bëhet e ditur se zjarrfikësit e Laçit kanë mbërritur menjëherë në vendin e ngjarjes, për të izoluar flakët.
Gjithashtu mësohet se në banesë nuk ndodheshin familjarë, pasi është e pabanueshme. Nga hetimet paraprake dyshohet se zjarri është i qëllimshëm, pasi ky është rasti i dytë brenda pak kohësh.
Pranë ndodheshin disa banesa të tjera, ndërhyrja e zjarrfikësve mundësoi izolimin e flakëve.
