Fitorja e Francës ndaj Marokut, e sidomos konfirmimi i një finaleje të madhe mes Argjentinës dhe Francës është lajmi më i bujshëm i ditës së sotme.
Ndjekim disa nga titujt kryesorë të mediave sportive:
Në La Gazzetta dello Sport, Mbappe zë në qendër skenën pas fitores së Francës ndaj Marokut që vlen një vend në finalen e Kupës së Botës me Argjentinën e Messit: “Lojë e një mbreti”, titullon gazeta milaneze.
“Fenomenale” është titulli i Corriere dello Sport, e cila e hapet me fotot e Mbappes dhe Messit në faqen e parë. Do të jetë Francë-Argjentinë në finalen e Dohas të dielën. Kylian Mbappe mund të fitojë Kupën e Botës të dytë radhazi pas Pelé, kurse Leo dhe Argjentina duan të përsërisin arritjen e Maradonës.
Torinezja Tuttosport po ashtu fokusohet tek e njëjta ngjarje për finalen e Botërorit: “Messi dhe Mbappe”.
Gazeta madrilene AS lartëson performancën e Francës dhe kampionit të saj: “Mbappe përballet me Messin” , kryeson gazeta spanjolle në kuadër të finales së Kupës së Botës mes francezëve dhe Argjentinës.
L’Equipe, nga ana tjetër, hapet me një foto në faqe të plotë të golit të lojtarit të Milanit, Theo Hernandez: “Fluturimi i fundit”, shkruan gazeta transalpine, e cila padyshim i jep hapësirë të mjaftueshme suksesit të formacionit të Deschamps.
