Duket se Botërori i Katarit ka qenë një sukses tejet i madh për Gianni Infantinon, i cili duket se po mendon t’i rikthehet dhe njëherë idesë së çmendur që pati disa kohë më parë.
Numri 1 i FIFA-s po mendon sërish që të organizojë Botërorin çdo tre vite, siç raporton “Daily Mail”.
Ai mendon se organizimi i këtij projekti do të mund të sillte shumë kualitet në futboll dhe kështu do të ndryshonte kalendaret për Kampionatin Europian, Kopa Amerikën dhe Botërorin e Klubeve.
Gjithsesi, media angleze gjithashtu shprehet se çdo gjë është vendosur deri në 2030-ën, kështu që kjo nuk do të ndodhë përpara këtij viti.
