Detaje të reja janë zbardhur nga ngjarja e rëndë e shënuar mbremjen e djeshme në Kamëz, ku pati një sherr mes kushërive.
Gjatë një konflikti shtetasi Fatjon Luca ka goditur me thikë kushëririn e tij, Hafuz Troci, i cili fatmirësisht është jashtë rrezikut për jetën. Bëhet me dije se sherri mes kushërive ka nisur për një borxh prej 500 euro që i plagosuri i ka pasur autorit.
Autori para policisë ka thënë se ia kishte kërkuar borxhin disa herë kushëririt, por që ai nuk ia kishte kthyer.
Konflikti i djeshëm ka nisur pasi autori dhe personat e tjerë kanë qenë në një dasëm. Në përfundim të ceremonisë Luca është afruar dhe në mënyrë direkte e ka qëlluar në gjoks Hafuz Trocin. Pas incidentit, janë përfshirë edhe persona të tjerë familjarë të Trocit dhe Lucës, të cilët kanë nisur të qëllojnë njëri-tjetrin me grushte, çfarë ka sjellë dëmtimin e tyre.
Nga kjo ngjarje ka mbetur i plagosur edhe një 15-vjeçar, ndërsa policia ka arrestuar autorin Fatjon Luca.
