Ndoshta ata që kanë parë Bundesliga-n dhe Champions League nuk kishin nevojë për Kupën e Botës për ta zbuluar, por nuk ka dyshim se Katari 2022 përfaqësoi një konfirmim ndërkombëtar për Josko Gvardiol.
Qendërmbrojtësi kroat, në pronësi të Leipzig, pati një turne të jashtëzakonshëm, pavarësisht maskës së fytyrës që duhej të mbante pas një goditje të keqe që mori në ndeshjet para turneut.
Shumë duartrokitje për të, duke pasur parasysh se i vetmi që vërtet ia doli ta vërë në telashe ishte Leo Messi. Dhe tani të gjitha klubet e mëdha e duan sepse Gvardiol, i lindur në vitin 2002, është padyshim mbrojtësi i së ardhmes. Por ka një lajm të mirë për dikë dhe një lajm të keq për dikë tjetër.
Ai që me siguri do të jetë i lumtur është Jürgen Klopp. Trajneri i Liverpool nuk ka mundur të mos buzëqeshë kur kanë rikthyer deklaratat e lojtarit. Gvardiol, duke folur për RTL Danas, shpjegoi se Reds janë një pjesë e rëndësishme e jetës së tij.
“Klubi i ëndrrave të mia? Do të thosha Liverpool. Që kur kam qenë fëmijë, kam pare shumë ndeshje të skuadrës me babanë tim. Ne kemi parë çdo sezon, të gjitha ndeshjet. Dhe është një klub që më ka mbetur në zemër”.
Një lajm i shkëlqyer për britanikët, por më pak për pretendentët e tjerë. Po, sepse të gjithë emrat e mëdhenj të Europës, duke filluar nga Real Madrid, do të donin Gvardiol. Por nëse Reds hyjnë në garë, do të ishte e vështirë për lojtarin të rezistonte.
Sigurisht, Liverpool-i nuk mund të presë gjithsesi një zbritje nëse dëshiron Gvardiol. Për këtë drejtori sportiv i Leipzig, Max Eberl, ishte i qartë. Duke folur për SkyDeutschland, trajneri i klubit gjerman ka shpjeguar se si janë gjërat.
“Ne kemi aktivizuar klauzolën e zgjatjes së kontratës, kështu që situata është në duart tona. Dhe ne nuk kemi ndërmend ta shesim Joskon me ulje në verë”. Me pak fjalë, ata që e duan kroatin do të duhet të shpenzojnë shumë. Jo se Liverpooli nuk e dinte tashmë këtë. Klubi ka një marrëdhënie mjaft të ngushtë me grupin Red Bull, pasi ka blerë disa lojtarë si nga Leipzig (i fundit është Konatè) ashtu edhe nga Salzburgu.
Por edhe nëse nuk do të ketë kushte të veçanta ekonomike, një gjë është e sigurt: nëse Gvardiol do të jetë në gjendje të zgjedhë Liverpool-in,e vështirë të mos e bëjë…
