Kompania “MABCO Constructions”, e cila ka paditur qeverinë e Kosovës, konkretisht Ministrinë e Drejtësisë, lidhur me rastin e ‘Hotel Grand’, të cilin Behgjet Pacolli e kishte blerë, por më pas i ishte anuluar privatizimi. Për këtë rast, ka reaguar vetë ish-zëvendëskryeministri Behgjet Pacolli.
Përmes një shkrimi në Facebook, ai shprehet se nuk po kërkon që shteti i Kosovës thjesht t’i paguajë diçka. Por firma e tij Mabetex po kërkon vetëm kthimin e 6 milion eurove që sipas tij, i janë rrëmbyer padrejtësisht nga grupet mafioze të Kosovës.
“Në media kosovare lexova se “Pacolli në arbitrazh kërkon miliona EU nga Kosova”. Kjo nuk është krejtësisht ashtu, Mabetexi kërkon vetëm kthimin e mjeteve të veta. Në asnjë rast nuk është pretenduar as nga Pacolli ose dikush që ka lidhje me të që Kosova ti paguan diçka. Në arbitrazh, Mabetex në Lugano kërkon vetëm kthimin e 6 milion Eurove që i’u janë rrëmbyer padrejtësisht nga grupet mafioze të Kosovës, grupe këto që kishin depërtuar në institucionet e Kosovës. Sidoqoftë, nuk bëhet fjalë për paratë e Kosovës por për paratë e veta, të kompanisë që grupet mafioze në Kosovë i kanë rrëmbyer padrejtësisht”, shkruan ai.
