Në Itali janë shtuar ndjeshëm viktimat si pasojë e koronavirusit. Numërohen 233 viktima dhe janë gjithsej 5061 persona të infektuar, nga të cilët 567 janë në spital në kujdesin intensive.
Sipas ekspertëve, Covid-19 ‘udhëton’ më shpejt se Sars, por është gjithashtu shumë më pak vdekjeprurës. Në nivel global, shkalla e vdekshmërisë është 3.4%. Në Itali u rrit në 4.25%, ndërsa për sindromën akute të frymëmarrjes që u përhap nga Azia midis viteve 2002 dhe 2003 shkalla e vdekshmërisë ishte 10%.
“Për gripin normal, indeksi i përhapjes është 1.2; për Sars ishte 1.6-1.8 “, shpjegon Walter Ricciardi, anëtar i bordit ekzekutiv të Organizatës Botërore të Shëndetit. Por në krahasim me Sars, “shkalla e vdekshmërisë është shumë më e ulët këtë herë, më pak se gjysma”.
Gjendja vazhdon të jetë ende shqetësuese, ndërkohë që qeveria italiane ka urdhëruar mbylljen e shkollave dhe universiteteve deri në mesin e muajit mars.
