Deputeti i Partisë Socialiste, Erion Braçe në fjalën e tij në Kuvend foli me tone të ashpra lidhur me gjyqtarin që dënoi me 16 vjet burg Dan Hutrën për vrasjen e gruas së tij të parë në 2007.
Sipas Braçes, gjyqtari në fjalë e ka kaluar vetingun me ndërhyrje edhe këtej edhe andej, duke iu referuar këtu PS-së dhe PD-së.
“Lexoni çfarë ka thënë gjykatësi atje. Është një tmerr që ky njeriu ishte dënuar me 16 vite burg, shumë pak se ka vrarë gruan e tij vetëm 22 vjeçe. Ky njeriu ka pak klasë shkollë dhe kjo e bën të mos kuptojë rregullat dhe normat e familjes dhe shoqërisë, që ky njeri nuk ka kërcënuar, por ka kanosur me fjalë jo me vepra, thotë gjyqtari. Dhe ky gjyqtar e ka kaluar vetingun, dhe e ka kaluar me ndërhyrje edhe këtej edhe këtej, ky është problemi!” tha Braçe.
