Koronavirusi është përhapur në ishullin grek të Lesbos, vetëm 10 milje larg 27,000 emigrantëve që jetojnë aty në një kamp refugjatësh.
Një grua 40-vjeçare e paidentifikuar, është diagnostikuar me sëmundjen vrasëse dhe shënon rastin e parë të infektuar në ishull, pasi kohët e fundit kishte udhëtuar në Izrael dhe Egjipt.
Ajo u vendos në karantinë të dielën, sipas një njoftimi të televizionit publik ERT.
Autoritetet greke kanë shprehur shqetësimin për mundësinë e përhapjes së virusit në ishuj si Lesbos, ku mijëra emigrantë ndodhen në kampe të mbipopulluara.
Lesbos po pret 27,000 emigrantë dhe refugjatë në një qendër pritjeje në Moria , raportoi The Guardian.
Më shumë se 1.700 azilkërkues mbërritën në ishujt grekë në detin Egje javën e kaluar, shumica në Lesbos, pasi Turqia vendosi të hapë kufijtë e saj me Greqinë.
Presidenti turk Recip Tayip Erdogan planifikoi të bëjë presion në Bashkimin Evropian për të zbatuar një premtim të paplotësuar sipas një marrëveshjeje të mëparshme emigrantësh.
Ministria e shëndetësisë e Greqisë të hënën raportoi 11 raste të reja të koronavirusit, por nuk përmendi Lesbos.
Gjithsej 84 raste janë raportuar në vend.
Shumica e rasteve të reja në vend përfshijnë një grup pelegrinësh që vizituan Izraelin dhe Egjiptin në fund të shkurtit, duke udhëtuar në të njëjtin autobus.
Greqia ka ndaluar tubimet publike, ka mbyllur disa shkolla dhe universitete dhe ka urdhëruar që ngjarjet sportive profesionale të mbahen pas dyerve të mbyllura për 15 ditë duke filluar nga e hëna./Fjala.al/Përshtati;Kamela Liko/Burimi:DailyMail
