Mesa duket jo të gjitha propozimet për martesë janë romantike dhe emocionuese. Një propozimi për martesë i bërë nga australiani, Adam Rizk, i cili inskenoi rrëmbimin e të dashurës së tij gjatë pushimeve në Liban, ka shkaktuar shumë diskutime. E dashura e Rizk si fillim ka përjetuar një sum tronditës dhe më pas ka thënë “Po”.
Pamjet e propozimit të veçantë janë bërë virale në rrjet, ku shihet se çifti ndalohen nga një makinë me burra që mbajnë armë dhe kapin partneren e Rizkut dhe motrën e saj.
“Jo, të lutem”- dëgjohet duke bërtitur vajza, duke mos ditur që gjithçka është e vendosur.
Ajo, në fakt, filloi të qajë kur i mbyllën sytë. Mirëpo, kur ia hoqën shallin nga sytë, më pas u dëgjua muzikë, u shfaqën të afërmit e saj dhe në fund Rizku, i cili u ul në njërin gju dhe i propozoi martesë.
@tahlzyy_ The most controversial proposal ever #fyp #engagement ♬ original sound – Tahli
E motra e saj ka shpjeguar se batutat mes çiftit, të cilët janë në një lidhje prej 10 vitesh, janë të vazhdueshme. Sipas saj, planifikimi i propozimit për martesë zgjati tre muaj pasi motra e saj gjithmonë dëshironte që ai të bëhej në Liban.
