Diskutimi për vajzat që vijnë nga “Përputhen” zuri një vend të rëndësishëm gjatë mbrëmjes së djeshme në BBV. Ishte luizi ai i cili gjatë një debati akuzoi se Efin se vjen nga Përputhen dhe se nuk është një person që dikush të jetë krenar me e pas motër.
Ishte Arbana ajo e cila menjëherë “i tërhoqi veshin” Luizit për këtë deklaratë të bërë. Së fundmi, Arbana ka reaguar sërish duke theksuar se do të reagojë gjithmonë kundër linçimit që i bëhet vajzave e që nuk ka asgjë për “turp” të marrësh pjesë në një program televiziv.
“Edhe njëherë tjetër dua të saktësoj përgjigjen time në lidhje me deklaratat e Luizit për “vajzat e Përputhen”.
Çdo vajzë që merr pjesë në një reality shoë si “Big Brother” apo “Përputhen” ka një linçim publik 10 fish më të madh se një djalë. Dhe këtë po e diskutoja dhe dje me Kiarën ku më erdhi shumë keq kur më tha se moment që më ka bërë më tepër të vuaj ishte kur mësova se vëllait tim i dërgonin mesazhe të tipit “shikoje motrën tënde çfarë bën poshtë jorganit”.
Nuk e bën një vajzë me “turp” fakti që vendos të marrë pjesë në një program televiziv dhe të ndajë historinë e saj të dashurisë me publikun. Askush nuk ka të drejë të mërzisë as vëllain e Efit dhe as atë të Kiarës e të asnjë vajze tjetër të këtij vendi duke predikuar moral.
Efi, Kiara, Dea, Olta etj janë të gjitha vajza e gra që prej muajsh po linçohen masivisht online vetëm sepse në momente të caktuara kanë zgjedhur të jetojnë Big Brotherin e tyre si duan ato. Linçimi jashtë është mëse i tepërt. Aq sa kur më i vogli vjen brenda shtëpisë, mua si grua, më bën të reagoj.
Dhe do ta bëj gjithmonë”, shkruan Arbana.
