Duke folur gjatë një konference për shtyp në Holandë, Volodymyr Zelensky shpreson se Vladimir Putin do të sillet para drejtësisë ndërkombëtare në Hagë.
“Ne të gjithë duam ta shohim këtu në Hagë, Vladimirin”, deklaroi ai duke iu referuar urdhër-arrestit të lëshuar nga Gjykata Ndërkombëtare Penale.
Lideri rus “meriton të dënohet” dhe të sillet në Hagë, thotë i pari i shtetit ukrainas, raporton skynews.
🔴 #LIVE: 🇺🇦🇳🇱 The Netherlands promised to support #Ukriane with weapons as well as humanitarian aid.
“Illegal wars cannot go unpunished. There cannot be peace without justice”, said Wopke Hoekstra ⤵️ pic.twitter.com/YXkjxC1tBB
— FRANCE 24 English (@France24_en) May 4, 2023
Ai thotë se ka besim se kjo do të ndodhë kur Ukraina të triumfojë kundër Rusisë.
Presidenti ukrainas pretendon se 6,139 krime lufte janë kryer nga Rusia vetëm në muajin prill, duke shkaktuar 207 viktima ndër civilët. Njëmbëdhjetë prej tyre ishin fëmijë.
Zelensky këmbëngul se duhet të krijohet një gjykatë për të gjykuar krimin e agresionit të Rusisë.
