Ylli i futbollit botëror Cristiano Ronaldo ka reaguar për herë të parë pas shfaqjes së koronavirusit tek Juventusi, konkretisht te shoku i tij i skuadrës, Daniele Rugani.
Ronaldo ka shkruar në Instagram ku ka dhënë edhe një mesazh për situatën që po kalon e gjithë bota.
Sulmuesi i bardhezinjve, aktualisht gjendet në Madeira te familja e tij. Ai shprehet se është i prekur me gjithë atë që po ndodh nëpër botë.
“Bota po kalon një moment tepër të vështirë, i cili kërkon kujdes dhe vëmendje maksimale nga të gjithë”.
“Mesazhi im sot nuk vjen si futbollist, por si një djalë, si një baba, si një qenie njerëzore që është i shqetësuar nga zhvillimet e fundit që kanë prekur botën”.
“Mendimet e mia janë me ata që kanë humbur njerëzit e afërt, solidariteti im është me të gjithë të prekurit ku përfshihet dhe shoku im i skuadrës, Daniele Rugani dhe mbështetja ime shkon për të gjithë personelin mjekësor, të cilët rrezikojnë jetën për të shpëtuar të tjerët”, ka shkruar Ronaldo.
