Greqia ka shënuar viktimën e katërt nga koronavirusi. Viktima është një 53-vjeçar, i cili punonte në spitalin e Kozanit.
Sipas mediave greke, ai ka qenë shtruar në njësinë e kujdesit intensiv të AHEPA për disa ditë.
Ndërkaq, viktima e parë në shtetin grek ishte një 92 vjeçar nga Ptolemiada, i cili u shtrua në spital pasi doli pozitiv me koronavirus.
Pas tij ishte një 66 vjeçar që humbi jetën në Patra, ndërsa një 67 vjeçar nga ishulli Zakinthos vdiq po ashtu në të njëjtën ditë.
Deri më tani, numri i të infektuarve në Greqi ka arritur në 280, ndërsa shteti grek ka mbyllur shkollat dhe universitetet, si masë për të parandaluar përhapjen e koronavirusit.
