Komiteti i Parlamentit Evropian për Punët e Jashtme miratoi një raport mbi situatën në Bjellorusi, duke u bërë thirrje vendeve dhe institucioneve të BE-së që të kërkojnë një urdhër arresti nga Gjykata Penale Ndërkombëtare (ICC) për presidentin bjellorus Alexander Lukashenko.
Lukashenko dyshohet se është i përfshirë në dëbimin e disa fëmijëve ukrainas, që janë marrë me forcë dhe janë dërguar në Bjellorusi.
“Bjellorusia është përgjegjëse për dëmet e shkaktuara dhe krimet e kryera në Ukrainë, theksojnë eurodeputetët, duke përfshirë rolin e regjimit në transferimin e paligjshëm të fëmijëve nga zona e luftimit, shkruan TASS.
Prandaj raporti u bën thirrje institucioneve të BE-së dhe vendeve anëtare që të të marrë të gjitha hapat e nevojshëm në nivel ndërkombëtar për të mundësuar ndjekjen penale të atyre liderëve politikë dhe ushtarakë bjellorusë përgjegjës për krimet kundër njerëzimit dhe gjenocidin.
Vladimir Putin, presidenti rus, dhe Maria Lvova-Belova, komisionerja ruse për të drejtat e fëmijëve, tashmë përballen me një urdhër arresti të ICC , të shpallur në mars, për deportimin e dyshuar të mijëra fëmijëve ukrainas në Rusi .
Rreth 2,150 fëmijë ukrainas deri në moshën gjashtë vjeç vlerësohet se janë dërguar në të paktën katër kampe në Bjellorusi që nga shtatori 2022, me numrin që pritet të arrijë në 3,000 deri në vjeshtë të këtij viti. Disa dyshohet se u është dhënë trajnim ushtarak.
Provat që i lidhin këto krime me Lukashenkon dhe zyrtarë të tjerë bjellorusë janë dorëzuar në Gjykatën Penale Ndërkombëtare (ICC), shkruan “The Telegraph”.
