Zëdhënësi i Ministrisë së Shëndetit të Iranit, Kianoush Jahanpour tha sot gjatë një deklarate për mediat se çdo 10 minuta, një iranian vdes nga Covid-19. Ndërsa çdo orë 50 iranianë janë të infektuar me koronavirus.
Ministria e Shëndetësisë në Iran konfirmoi 149 viktima nga koronavirusi në vetëm 24 orët e fundit, duke rritur numrin e përgjithshëm të vdekjeve në 1,284.
Ky është niveli më i lartë i regjistruar në Iran me numrin e vdekjeve gjatë një 24-orëshi që nga fillimi i shpërthimit të koronavirusit në vend.
