Filmi i ri “Barbie” me Margot Robbie në rolin e kukullës ikonike sundoi në kinema gjatë fundjavës, duke mbledhur rreth 155 milionë dollarë dhe vendosi rekord për hapjen më të madhe vendase të vitit 2023, tha të dielën distributori Warner Bros.
Filmi “Oppenheimer” i regjisorit Christopher Nolan, për prodhimin e bombës atomike, i tejkaloi pritshmëritë me 80.5 milionë dollarë në kinematë vendase në një betejë kinemaje të quajtur “Barbenheimer”.
Zhurma e “Barbenheimer”, mbi dy filma të shumëpritur, por krejtësisht të ndryshëm që hapeshin njëkohësisht, theu rekord në çdo kinema.
“Barbie” është këndvështrimi i regjisores së “Little Women” Greta Gerwig për kukullën që debutoi 60 vjet më parë. Debutimi me 155 milionë dollarë kaloi 146.4 milionë dollarët për “The Super Mario Bros” në prill dhe u rendit si hapja më e lartë ndonjëherë për një film me regji të femrave.
Mattel lançoi një fushatë të gjithanshme të marketingut global për të ndezur furinë, duke i bërë pikat referuese në Londër në ngjyrë rozë dhe duke bashkëpunuar në produkte nga moda e Barbie deri te një tastierë Barbie X-box.
Cillian Murphy luan në dramën Oppenheimer” në rolin e shkencëtarit amerikan J. Robert Oppenheimer, njeriu që zhvilloi bombën atomike. Filmi ka tërhequr komente të mira dhe pritet të jetë një pretendent në garën e ardhshme të çmimeve Oscar.
Filmi mblodhi 93.7 milionë dollarë në tregjet ndërkombëtare, dhe arriti një total global prej 174.2 milionë dollarësh, tha distributori Universal Pictures (CMCSA.O).
