Departamenti Amerikan i Shtetit publikoi sot raportin vjetor për klimën e investimeve në Shqipëri. Notat kritike ishin ato që shoqëronin gjithë raportin.
Në një nga seksionet e tij, tregohej mosmarrëveshja që kishin pasur tre kompani amerikane me qeverinë shqiptare duke përfunduar edhe në arbitrazhin ndërkombëtar. Edhe pse kryeministri Rama ka ftuar gjithmonë investitorët e huaj strategjikë në vendin tonë, Raporti i DASH-it tregon përvojën e hidhur të amerikanëve në Shqipëri.
“Gjatë dhjetë viteve të fundit, ka pasur tre mosmarrëveshje investimi midis Qeverisë së Shqipërisë dhe kompanive amerikane, dy prej të cilave rezultuan shkuan në arbitrazh ndërkombëtar. Aktualisht, ekziston një pretendim aktiv në Qendrën Ndërkombëtare për Zgjidhjen e Mosmarrëveshjeve të Investimeve (ICSID), nga një investitor amerikan që zotëron një pakicë aksionesh në kompani sipas Traktatit Dypalësh të Investimeve Shqipëri-Shtetet e Bashkuara të Amerikës.
Pavarësisht dëshirës së deklaruar të Shqipërisë për të tërhequr dhe mbështetur investitorët e huaj, investitorët amerikanë në mosmarrëveshjet me Shqipërinë raportuan mungesën e dialogut produktiv me zyrtarët qeveritarë, të cilët shpesh shfaqën ngurrim për të zgjidhur mosmarrëveshjet përpara se ato të përshkallëzoheshin në nivelin e arbitrazhit ndërkombëtar, ose përpara komuniteti ndërkombëtar ushtroi presion mbi qeverinë për të zgjidhur çështjen.
Investitorët amerikanë në Shqipëri duhet të konsiderojnë fuqimisht përfshirjen e klauzolave detyruese të arbitrazhit në çdo marrëveshje me homologët shqiptarë”, shkruhej në raportin e DASH-it.
