Më 1 gusht të këtij viti, do të ndodhë Hëna e re në Ujor dhe do të ndriçohet edhe nga Dielli në Luan. Sigurisht, kjo ngjarje qiellore do të ndikojë në jetën tënde, ndaj gjej shenjën dhe mëso se ç’do të ndodhë.
Dashi
I dashur Dash, si kontribuojnë njerëzit që të rrethojnë në rritjen tënde personale? Është shumë normale ta pyesësh veten nëse ke njerëzit e duhur në jetë, që të ndihmojnë të realizosh ëndrrat e tua dhe të përmirësohesh.
Demi
Askush nuk do të marrë lajme të këqija. Jo vetëm këtë periudhë, por gjatë gjithë vitit të ardhshëm, ti do të besosh në intuitën tënde. Është e mira të mos neglizhosh karrierën, shtëpinë dhe familjen.
Binjakët
Ndonjëherë, faktet janë shumë të rëndësishme që ta çlirosh veten nga faji. Gjithsesi, nuk është asnjëherë e parashikueshme mënyra e reagimit dhe rrugëtimi ku mund të të çojnë ndjesitë e tua. Çlirohu nga pengjet dhe besoji procesit.
Gaforrja
Ke shkuar shumë larg dhe është momenti të përqafosh vlerat e tua. Emocionet gjatë kësaj periudhe do të jenë të forta dhe të ndërlikuara, ndaj lejoje veten t’i ndjesh të gjitha, ama, mos i lër të të ndikojnë. Gjej balancën e brendshme dhe mendo me një tru të kthjellët.
Luani
Luan, beso në vetvete. Kjo Hënë e plotë të shtrëngon pak rripin dhe të bën të logjikosh më ashpër. Do të interesohesh për mendimet e të tjerëve dhe do të mërzitesh nga idetë e tua. Ndaje faktin nga imagjinata!
Virgjëresha
Merr kohën tënde për t’u larguar nga situatat stresuese. Planifiko një buxhet për pushimet, kujdesin ndaj vetes dhe për të investuar në të ardhmen tënde. Pasi t’i bësh të gjitha këto, do të jesh shumë më e qetë për të gjitha situatat me të cilat do të përballesh.
Peshorja
Është koha që të mos luash më vërdallë, por të përqendrohesh te qëllimet e tua. Mos harro: Të ndjekësh ëndrrat mund të jetë shumë argëtuese, ndaj mos e lër veten në baltë. Shkëputu nga zakonet e vjetra dhe bëj më të mirën për veten.
Akrepi
Mos ke harruar të dalësh jashtë, të pish një gotë, të marrësh ajër të pastër? Je totalisht i përqendruar në karrierë, por ndoshta duhet të dalësh pak nga shtëpia, nga zona jote e rehatisë dhe të socializohesh dhe krijosh lidhje me njerëz të tjerë.
Shigjetari
Kjo periudhë të rikthen te librat e preferuar, te faqet që të kanë dhënë aq gëzim dhe trishtim. Mëso, lexo, edukohu më shumë, për t’u bërë personi që ke ëndërruar të jesh.
Bricjapi
Për të 100-tën herë, kërko ndihmë kur të duhet! Disa njerëz do të duan të të ndihmojnë, mjafton një fjalë nga ana jote! Kujtohu që jo çdo gjë mund ta bësh vetë, përkundrazi, puna në grup, shpesh, është më produktive.
Ujori
Ujor, dëshira për të ndihmuar të tjerët do të të çojë shumë më larg se fiksimi që ke me perfeksionin dhe veten. Është momenti perfekt për të investuar te miqtë dhe për të pasur më shumë besim te vetja dhe ata që të rrethojnë. Të tjerët mund të të ndihmojnë të shkëlqesh!
Peshqit
Merr kohën tënde që të udhëtosh dhe të bësh gjërat që do të bësh, ama, mos u shkëput nga realiteti. Është e vërtetë që imagjinata është më e bukur se realiteti, por ndoshta nuk të shërben aq shumë sa të qëndrosh prezent në të tashmen.
