Policia e Shtetit dhe SPAK njoftuan dje zyrtarisht për operacionin e zhvilluar në aksin Shkodër-Lezhë, me një grup të strukturuar kriminal të dyshuar në vrasje, tentativë vrasje, korrupsion dhe shantazh. Si u arrit në gjurmimin e rrjetit nga një telefon duke dekriptuar bisedat në aplikacionet “SKY” dhe “EncroChat”.
Mjaftoi një hetim i thelluar në një zonë të caktuar të vendit në aksin Shkodër-Lezhë, që të ndërthurej lidhja e frikshme e krimit, biznesit, strukturave të policisë dhe të drejtësisë në vrasje, tentativë vrasje dhe vepromtari të tjera kriminale.
Pas lëshimit të 15 urdhër-arresteve, ku gjashtë prej tyre u ekzekutuar dhe 9 janë në kërkim, Policia e Shtetit dhe SPAK kanë dalë në një njoftim zyrtar. Me anë të një deklarate, policia thotë se nga operacioni i koduar “Metamorfoza” u ekzekuton masat e sigurisë “Arrest në burg”, për 6 shtetas.
Ndërsa u shpallën në 9 të tjerë. Gjatë operacionit u arrestuan në flagrancë edhe 2 shtetas të tjerë, për armëmbajtje pa leje dhe veprime që pengojnë zbulimin e së vërtetës. Policia po ashtu thotë se ka gjetur dhe sekuestruar një arsenal armësh, 8 automjete (4 prej tyre të blinduara), maska, paruke dhe sende të tjera të paligjshme që përdoreshin nga pjesëtarët e grupit kriminal.
Të arrestuarit
Gjatë këtij operacioni të mirorganizuar, u ekzekutuan masat e sigurisë “Arrest në burg”, të caktuara nga GJKKO, për shtetasit: P. Gj. (Pëllumb Gjoka), 49 vjeç, banues në Tiranë, i dyshuar për veprat penale: -“Vrasja me paramendim”, kryer në formë të veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”. Më datë 09.08.2020, në qytetin e Shkodrës, është vrarë shtetasi Gj. N. (B.); -“Sigurimi i kushteve dhe i mjeteve materiale për të kryer vrasje”, kryer në formë të veçantë të bashkëpunimit, atë të grupit të strukturuar kriminal, “Grup i strukturuar kriminal” dhe “Pjesëmarrje në grup të strukturuar kriminal” (në dëm të shtetasit K. M.); “Sigurimi i kushteve dhe i mjeteve materiale për të kryer vrasje”, kryer në formë të veçantë të bashkëpunimit, atë të grupit të strukturuar kriminal, “Grup i strukturuar kriminal” dhe “Pjesëmarrje në grup të strukturuar kriminal” (në dëm të shtetasve D. D. dhe I. L.); “Korrupsion aktiv i gjyqtarit, prokurorit dhe i funksionarëve të tjerë të drejtësisë”, kryer në bashkëpunim; “Mbajtja pa leje dhe prodhimi i armëve, armëve shpërthyese dhe municionit”, kryer në bashkëpunim, në formën e grupit të strukturuar kriminal”-thuhet në njoftimin zyrtar.
Ndërsa në lidhje me arrestimin e Oltion Bistrit, ish-shef I Forcës Operacionale në Policinë e Shtetit SPAK nga hetimet ka dalë në përfundimin se ai është i dyshuar për veprat penale “Shpërdorimi i detyrës” dhe “Zbulimi i akteve ose te dhenave sekrete”.
Ndërsa Xhevair Lita 50 vjeç me detyrë prokuror u arrestua për akuzën e “Korrupsioni pasiv i gjyqtarëve, prokurorëve dhe funksionarëve të tjerë të organëve të drejtësise”, kryer dy herë dhe “Grup i strukturuar kriminal”.
Ndërsa ish-drejtuesin e lartë të policisë Ardit Hasanbega rëndojnë akuza edhe më të rënda. Sipas SPAK ai dyshohet për veprën penale “Sigurimi i kushteve dhe i mjeteve materiale për të kryer vrasje”, kryer në formë të veçantë te bashkepunimit, ate të grupit të strukturuar kriminal, “Grupi i strukturuar kriminal” dhe “Pjesëmarrja në grup të strukturuar kriminal” (në dëm të shtetasve D. D. dhe I. L.). Pjesa tjetër e të arrestuarve janë të dyshuar për krijim të grupit të strukturuar criminal dhe “Sigurimi i kushteve dhe i mjeteve materiale për të kryer vrasje”
SEKUESTRIMET
Gjatë operacionit u bë e mundur gjetja dhe sekuestrimi i provave materiale si 8 armë zjarri (6 pistoleta, 1 automatik, 1 pushkë), municion luftarak, 19 karikatorë për mbajtje municionesh, 2 baza për vendosje snajperi , 3 armë gjahu, , 2 baza karikues radiosh policie, 2 armë të ftohta, 3 maska, 1 paruke, 8 automjete (4 prej tyre të blinduara), 1 kamera kurth, 2 targa automjetesh, 3 ora dore të markave të shtrenjta, 3 409 000 lekë, 31 205 euro, 4 400 dollarë, 3 USB, 7 DVR, 28 celularë dhe 1 laptop. Armët e sekuestruara dhe provat e tjera materiale do të dërgohen në laboratorin e Policisë Shkencore në Institutin e Policisë Shkencore, për ekzaminime të mëtejshme.
Strukturat e Policisë së Shtetit, në bashkëpunm me Prokurorinë e Posaçme kundër Korrupsionit dhe Krimit të Organizuar, vijojnë punën hetimore për dokumentimin e plotë të veprimtarive kriminale të këtyre shtetasve, si dhe për kapjen e shtetasve të shpallur në kërkim. Materiale procedurale iu referuan Prokurorisë së Posaçme kundër Korrupsionit dhe Krimit të Organizuar Tiranë.
Si u arrit të “shpartallohej” grupi
Hetimet e SPAK kanë nisur shtatë muaj më parë pasi arritën të siguronin një telefon i cili i përkiste një prej anëtarëve të grupit.
Në këtë telefon kishte shumë biseda në aplikacionin “SKY” dhe “EncroChat”, që deri pak më parë konsiderohej I sigurtë nga grupet kriminale, por që është bërë i mundur dekriptimi i plotë i bisedave nga laboratorët modernë në Holandë dhe Francë, të cilët i kanë zbardhur për llogari të drejtësisë Shqiptare, konkretisht pas kërkesës së SPAK. Ish-shefin e Operacionales, Oltion Bistri, Prokurorin Xhevahir Lika dhe ish drejtuesin e policisë së Shkodrës, Ardit Hasanbega si dhe biznesmenin Pëllumb Gjoka duket se i kanë lidhur interesat, duke përfshirë dhënie të sekreteve policore, prishje të provave dhe korrupsion për të mbyllur dosje të ndryshme në prokurori.
Por ndër personazhet e botës së krimit që shërbenin se eksekutorë dhe mbështetës të tyre në sigurimin e armëve dhe mjeteve të kjera për kryerjen e krimeve është edhe Prekë Kodra, I dyshuar si person që kishte marrë përsipër vrasjen e kryeministrit të Kosvës Albin Kurti, por që u zbulua në kohë “antentati të dyshuar” pas të dhënave të siguruara nga shërbimi secret I shqipërisë, Kosovës por edhe partnerëve ndërkombëtarë.
Ndërsa sipas dosjes së SPAK, ish shefi i operacionales, Oltion Bistri rezulton se ka biseda telefonike me biznesmenin Pëllumb Gjoka, ndërsa ai i ka toleruar këtij të fundit shkelje në biznesin me lojëra fati.
Kujtojmë se 15 personat që SPAK lëshoi urdhër arreste, 6 të arrestuar tashmë dhe 9 të shpallur në kërkim janë: Të arrestuar: Pëllumb Gjoka, Edmond Preka, Ardit Hasanbega, Astmer Bilali, Oltion Bistri, Xhevahir Lita. Të shpallur në kërkim: Behar Bajri Brahoviç, Ervis Martinaj, Denis Bajri Brahoviç, Klaudio Haka, Prekë Kodra, Aleks Ndreka, Arsat Bashli, Bardhyl Mavraj, Elion Hato.
