Asnjë urban nuk e ka pezulluar punën në shërbim të qytetarëve, as këtë të martë.
Pavarësisht se Unioni i Transportit Publik, kërcënoi se do të reduktojë mjetet në qarkullim, si pasojë e vështirësive financiare, në realitet, kontrollorët deklarojnë se linjat janë në efiçencë të plotë, ashtu siç edhe e kanë të përcaktuar në kontratë.
Në kontrollet e përditshme, edhe pse shërbimi urban ka ardhur duke u përmirësuar sërish janë vërenjtur parregullsi, për të cilat subjektet janë gjobitur.
Transporti urban në Tiranë operon me disa linja, duke ofruar shërbim për qytetarët nga ora 5,30 e mëngjesit deri në orën 11,30 të mbrëmjes.
