Një ekip analistësh kanë mbledhur dhe kanë vlerësuar të dhënat e lindjeve për lindjet e rregjistruara mes viteve 2001 dhe 2021, për të zbuluar kështu ditëlindjet më të zakonshme, e ato më të rralla.
Muaji i lindjeve më të shumta duket se është shtatori. Në veçanti, dita më e zakonshme e lindjes është 27 shtatori, duke regjistruar mesatarisht 1993 lindje në vit. Kjo pasohet nga data 24 dhe 25 shtator, me 1987 dhe 1980 lindje mesatarisht çdo vit. Më pas vijnë datat 1 tetori dhe 23 shtatori, me 1,979 lindje në vit të dyja.
Analistët besojnë se një arsye që mund të shpjegojë shpeshtësinë e lindjeve në shtator është dëshira e çifteve që fëmijët e tyre të jenë më të mëdhenjtë në klasë gjatë viteve të shkollës. Të tjerë ende argumentojnë se këto rezultate janë për shkak të faktit se njerëzit bëjnë më shumë seks gjatë festave të Krishtlindjeve.
Të njëjtat të dhëna zbuluan edhe datën më pak të shpeshtë të lindjes: Është 26 dhjetori, pra dita pas Krishtlindjes, e cila regjistron vetëm 1345 lindje çdo vit. Edhe në ditët e festave të mëdha dimërore, pra Krishtlindjeve dhe Vitit të Ri, lindjet janë pak më të larta, përkatësisht 1116 dhe 1563./E.Ç
