Kryeopozitari Lulzim Basha i është përgjigjur pozitivisht ftesës së Presidentit të Republikës, Ilir Meta, i cili ka bërë me dije se do të thërrasë mbledhjen e Këshillit të Sigurisë Kombëtare, për shkak të situatës nga koronavirusi.
“Duke iu pergjigjur interesit te shume gazetareve ju bej te ditur se Kryetari i Partise Demokratike Lulzim Basha i eshte pergjigjur pozitivisht fteses se presidentit Ilir Meta per te marre pjese ne mbledhjen e Keshillit te Sigurise Kombetare. Zoti Basha thekson se tani eshte koha qe gjithkush te jape kontributin e tij ne sherbim te jetes, shendetit dhe sigurise se qytetareve ne keto dite te veshtira.” -bëri të ditur zyra e shtypit pranë PD.
