Presidenti amerikan Donald Trump ka kërkuar nga Koreja e Jugut furnizime mjekësore për të ndihmuar në luftimin e koronavirusit pandemik, sipas zyrës presidenciale të Seulit.
Trump e bëri kërkesën në një telefonatë drejtuesit të Koresë së Jugut, Moon Jae-in, njofton BBC.
Koreja e Jugut është vlerësuar gjerësisht për trajtimin e saj të shpërthimit të Covid-19 i cili përfshinte përdorimin agresiv të teknologjisë, testime të shumta dhe gjurmimin e kontaktit.
Ende nuk është e qartë se çfarë lloj pajisje mjekësore po kërkohen nga Z. Trump. Presidenti Moon tha që qeveria e tij do të sigurojë “mbështetjen maksimale” nëse furnizimet e mjaftueshme do të ishin në dispozicion.
Zyra presidenciale e Seulit tha që pajisjet mund të kërkojnë aprovim nga Administrata e Ushqimit dhe Barnave (FDA) për të cilën Z. Trump pretendoi se do të jepej deri në fund të ditës se sotme./fjala.al
