Epidemia Covid-19 po avancon me shpejtësi të madhe në Britani. Reparti i emergjencës është transformuar krejtësisht nga numri i madh i pacientëve.
Një rrëfim i mjekes Katie Sanderson ka prekur zemrat e të gjithëve. 32- vjeçarja është mjeke e spitalit të mjekësisë akute në Londër.
“Reparti ynë i emergjencës u tranformuar krejtësisht javës që shkoi nga numri i madh i pacientëve që vinin çdo ditë. Me pacientët e koronavirusit apo familjarët e tyre kam nisur të bëj biseda të tipit, nëse preferojnë të vdesin në spital apo në shtëpi pasi këtu ata nuk lejohen të presin vizitorë. Deri një javë ma parë nuk kisha imagjinuar biseda të tilla,” deklaroi mjekja në një intervistë në radio.
Megjithëse Londra është epiqendra e epidemisë në Britani, Dr Sanderson paralajmëron se shumë shpejti gjithë vendi do të goditet po aq fort, prandaj i kërkon publikut të mendohen mirë para se të dalin nga shtëpia.
Dr Sanderson kërkon më tej ndihmë nga kompanitë për të furnizuar me celularë pacientët e koronavirusit që të mund të komunikojnë me familjet e tyre. “Unë jam 32 vjeç por ka kolegë të mi këtu që kanë shkruar testamentet e tyre prandaj kjo duhet marrë seriozisht”.
