Kanë qenë qytetarët ata që kanë zbuluar armatimet, të cilët pretendojnë se i kanë hedhur serbet që jetojnë në atë fshat pas rastit të ndodhur në Banjskë të Zveçanit.
KOSOVË- Janë gjetur sërish armatime në një fshat të banuar nga serbët në Kosovë. Policia e Kosovës njofton se ka gjetur armë, municione e granata në fshatin Prelluzhë të Vushtrrisë.
Kanë qenë qytetarët ata që kanë zbuluar armatimet, të cilët pretendojnë se i kanë hedhur serbet që jetojnë në atë fshat pas rastit të ndodhur në Banjskë të Zveçanit. Rastin e ka konfirmuar zëdhënësi i Policisë së Kosovës për rajonin e Mitrovicës, Avni Zahiti, i cili tha se janë gjetur dy armë të gjata, një sasi municioni, katër granata dore.
“Në orët e pasdites një qytetar ka raportuar se ndërsa po mblidhte hekura në një hapësirë, ku hidhen mbeturinat në hyrje të fshatit Prilluzhë, ka vërejtur dy armë. Lidhur me informatën janë ndërmarrë veprime operative e hetimore ku nga njësitë përkatëse është bërë perimetri i sigurisë. Gjatë kontrollit në atë lokacion janë gjetur dy armë të gjata, një sasi e municionit, katër granata dore, një tromblon”, ka thënë Zahiti./I.S
