Konflikti ushtarak mes Izraelit dhe Palestinës ka prekur të gjithë botën, duke nxitur reagime të forta.
Edhe në vendin tonë shumë figura nga poltika, por edhe nga arti dhe kultura kanë reaguar duke kërkuar ndaljen e luftës, që po merr jetë nga të dyja palët.
Teksa në nisje të konfliktit, Shqipëria reagoi në mbrojtje të Izraelitëve pas masakrave të grupit militant të Hamasit, tahsmë pritet të organizohet një marshim në mbështetje të Palestinës, pas sulmeve dhe bllokimit që Izraeli i ka bërë Palestinezëve në Rripin e Gazës.
Sot do të zhvillohet një protestë në Tiranë, ku qytetarët do të mblidhen në sheshin ‘Skënderbej” në orën 16:30, me thirrjen “Për paqen dhe lirinë në Palestinë”.
Më shumë se 3,700 njerëz janë vrarë në Gaza, që prej 7 tetorit kur Hamasi sulmoi, duke vrarë më shumë se 1,400 njerëz.
Situata pritet të përshkallëzohet teksa, Izraeli ka kërcënuar dhe për një luftë tokësore. Gaza mbetet nën rrethim, me Izraelin që bllokon furnizimet me ujë, energji elektrike, ushqim dhe karburant përtej kufirit të tij, duke thelluar pasojat./ S.M
