Një natë më parë Prokuroria e Posaçme Antikorrupsion (SPAK) vendosi për arrestimin e dhëndrit të ish-kryeministrit Sali Berisha, Jamarbër Malltezi, ortakut të tij Fatmir Bektashi dhe vendimin për detyrim paraqitje ndaj Berishës, për aferën me ish-klubin e Partizanit.
Malltezi u arrestua në Rinas teksa kishte dalë të priste gruan e tij Argita Malltezi që vinte nga Gjermania.
Siç shihet edhe në video tre oficerë të policisë pa uniformë, iu afruan Jamarbër Malltezit në zonën e jashtme të aeroportit, në pjesë e hyrjes kryesore, ku ndodhen dhe taksitë.
Në momentin e arrestimit Malltezi mbante në kokë kapelën e tij ekuadoriane.
Malltezi, Berisha dhe Bektashi akuzohen për pastrim parash dhe korrupsion.
Në deklaratën e tij sot, SPAK-u tha se me ndihmën e Berishës dhe Bektashit, Malltezi përfitoi 672 976 832 lekë ose 5 420 345 euro, nga privazitimi i ish-kompleksit Partizani dhe ndërtimi i një blloku pallatesh në të./ S.M
