Italia është duke përjetuar çdo ditë tragjedinë nga koronavirusi. Gjatë 24 orëve të fundit në vendin fqinj janë shënuar 756 viktima nga Covid-19, duke e çuar numrin e përgjithshëm në 10 779.
Nga ana tjetër, edhe numri i të infektuarve vijon të rritet duke kapur shifrën 97 689, ku mbi 5 mijë njerëz janë infektuar vetëm në 24 orët e fundit.
Italia është vendi i parë në botë me numrin më të lartë të viktimave, ndërsa koronavirusi ka prekur edhe bluzat e bardha ku janë infektuar rreth 4 mijë infermierë.
Për t’i ardhur në ndihmë vendit fqinj që po përjeton një tragjedi të frikshme Shqipëria dërgoi dje 30 mjekë e infermierë, të cilët do të japin kontributin e tyre për një muaj në luftën kundër Covid-19.
