Doktoresha shqiptare e spitalit italian në Ankona rrëfen se çfarë po ndodh brenda spitaleve të Italisë në luftën ndaj koronavirusit.
Ajo shkruan se ka shumë masa dhe strategji që po ndiqen nga shtetit italian. Megjithatë sipas saj, puna e palodhur, solidariteti dhe ndihma e ndёrsjellё që do ta bëjnë Italinë dhe Shqipërinë që ta fitojnë këtë këtë betejë ndaj Covid-19.
“Ka shumё masa dhe strategji qё po aplikohen nё kёto momente tё vёshtira nё tё gjithё spitalet e Italisё, por do jetё puna e palodhur, solidariteti dhe ndihma e ndёrsjelltё qё do na lejojnё ta fitojmё kёtё betejё pёrpara sё cilёs ndodhemi tё gjithё ne”, shprehet doktoresha Dhimo, ndërsa falënderon gjithë kolegët e saj shqiptarë brenda dhe jashtë vendit që po luftojnë në vijën e parë të frontit ndaj koronavirusit.
Për të luftuar këtë sëmundje vdekjeprurëse, Shqipëria dërgoi dje në ndihmë të Italisë 30 mjekë, të cilët do jenë në vijën e parë të frontit për të luftuar Covid-19.
Statusi i plotë:
SOLIDARITET!
Ҫdo ditё mendimet e mia janё per kolegёt, infermierёt, operatorёt sanitarё dhe pёr tё gjithё ata qё janё nё vijё tё parё nё luftёn kundёr Covid-19.
Ka shumё masa dhe strategji qё po aplikohen nё kёto momente tё vёshtira nё tё gjithё spitalet e Italisё, por do jetё puna e palodhur, solidariteti dhe ndihma e ndёrsjelltё qё do na lejojnё ta fitojmё kёtё betejё pёrpara sё cilёs ndodhemi tё gjithё ne.
Shpreh falenderime dhe mirёnjohje ndaj kolegёve tё mi bashkёatdhetarё, tё cilёt po japin kontributin e tyre nё kёto momente brenda dhe jashtё vendit. Nё kёto ҫaste tё vёshtira Shqipёria e vogёl, por me zemёr tё madhe tregoi edhe njёherё virtytet qё e karakterizojnё si: bujaria, mirёnjohja, gadishmёria dhe mbёshtetja ndaj miqve.
Ndihem krenare si kurrё mё parё!
Bashkimi bёn fuqinё!
Ju lutem qёndroni nё shtёpi!
Dott.ssa Sonila Dhima
Dirigente medico SOD ORL
Azienda Ospedaliera Universitaria Ospedali Riuniti di Ancona.
Postimi i doktoreshë Sonila Dhimos është shpërndarë edhe nga kryeministri Edi Rama në Facebook-un e tij, i cili shkruan se “jeni shumë, superfaleminderit dhe ndjesë që nuk postoj dot më shumë”.
