Nuk ka asgjë më të keqe se të zgjohesh në një ditë të zymtë, është e errët, me shi dhe vështirë se është e favorshme për të shkuar në punë.
Arsyeja për luftën tuaj në mëngjes është, në fakt, moti. Trupat tanë mbështeten në rrezet e diellit për të sinjalizuar orët tona të brendshme se është koha për t’u zgjuar.
Pa rrezet e diellit të mëngjesit për të nisur ditën tonë, ne do të ndihemi letargjikë dhe të dëshpëruar, shkruan HealthLine.
Nuk është shiu në vetvete ai që na bën të dëshirojmë të qëndrojmë në shtrat dhe të strukemi nën mbulesa, por mungesa e dritës ndaj të cilës po reagojmë.
Drita pengon sekretimin e melatoninës, hormonit që na bën të përgjumur. Kur ka qiell me re, trupat tanë do të vazhdojnë të prodhojnë melatoninë, edhe pasi orët tona të alarmit të fiken.
Serotonina, e cila përmirëson disponimin, prodhohet gjithashtu në prani të dritës së diellit. Kur ka më pak rreze dielli, prodhimi i serotoninës zvogëlohet.
Ka arsye të tjera jo hormonale pse jemi tepër të lodhur në ditët me shi.Për një, aroma tokësore e shiut është qetësuese. Aroma e myshkut prodhohet kur një substancë e quajtur gjeosmin ndërvepron me vajrat bimore të pranishme në tokë. Vajrat sekretohen gjatë periudhave të thata për të parandaluar mbirjen e farave.
Një tjetër erë relaksuese është ajo e ozonit, e cila shfaqet pas një stuhie. Ozoni është një molekulë e përbërë nga tre atome oksigjeni dhe krijohet kur rrufeja ndërvepron me ajrin. Kjo aromë ngjan me atë të çarçafëve të sapo larë, të cilat mund të shkaktojnë gjumë.Tingujt e shiut janë gjithashtu mjaft ngushëllues. Skema ritmike e reshjeve konsiderohet “zhurmë rozë”, e cila është një kategori e zhurmës relaksuese të sfondit.
Shiu padyshim e bën më të vështirë zgjimin, por nuk ka pse t’ju mbajë të përgjumur gjatë gjithë ditës.Provoni të hani një mëngjes të shëndetshëm për t’ju dhënë energji ose shkoni në palestër, nëse mundeni.
Një mënyrë tjetër për të luftuar efektet negative të mëngjeseve me shi është të hapni perdet dhe t’i jepni shtëpisë tuaj sa më shumë ekspozim ndaj dritës natyrale. Nëse e dini se do të bjerë shi një natë më parë, flini me perde të hapura për të lejuar që çdo pjesë e dritës të depërtojë./E.Ç
