Julian Deda bie dakord me mendimin e Kozeta Kurtit në lidhje me sjelljen skenike të Elsa Lilës, sipas tyre, një sjellje arrogante. Në postimin e Kurtit në Facebook, Juli shkruan:
“Elsa ishte e vetmja performuese që pasi këndoi për herë të parë, i tha publikut “shihemi në finale”. Më fal, po nga e dinte ajo që do dilte në finale? Ajo sigurisht që e dinte, por në respekt të garës, të festivalit dhe mbi të gjitha në respekt të publikut, nuk mund të bësh arroganten.”
Në vijim, Juli ndalet te mënyra e këndimit. “Që të mos i futemi pastaj këngës, se nuk jam specialist, por mua më erdhi pak a shumë si një pëllitje e gjatë.”
Pastaj, ai i referohet një periudhe kur ka punuar me Elsa Lilën. Juli, Elsa dhe Gentian Zenelaj kanë prezantuar edicionin 47 të “Festivalit të Këngës”.
“Për ta mbyllur, unë kam punuar me atë vajzë, kam prezantuar njërin nga festivalet…armikut nuk ia uroj të punojë me të!” përfundon ai./E.Ç
